[心得] 这次还真有人炒ipad air。。。

秋風起，大家想起食蟹。但對於一班唔係 iFansboy，買 iPad Air 旨在賺快錢的 IT 投機者，十一月一日，是他們的大災難日，「蟹」呢個字，變得好得人驚!  版主在香港手機集散地，旺角先達廣場走一轉，iPad Air 回收價沒有升之餘，更出現倒跌現像，全場愁雲慘霧，以往「i」產品推出時的瘋狂炒賣現像，一去不返。

倒扣 $288!
十一月一日，香港發售 iPad Air。早上，版主去過中環 IFC 的 Apple Store 睇過，回收價雖然只有數百元，但至少不用蝕 (車錢，早起身的時間成本另計)，但若果你三心兩意，幻想旺角先達廣場會否有更好的回收價。版主在下午段睇過，情況更可怕!  不少店舖已貼出不收 iPad Air 的告示。不知是「玩野」定專登「造低個價」，有店舖居然開出全線 iPad Air，WiFi 或 Celluar 4G LTE 版本，不同容量，全線劃一，以原價倒減 $288 收機

蟹貨點算好？ 退番俾 Apple！
若果你真係投機失利 （炒燶 iPad） ？點算好？版主覺得，你不妨加入 iFansboy 行列，自用吧!  廢話？版主在場內，聽到一位自稱在 Apple 工作的朋友，大大聲「串」倒扣價錢收機的店主：「要我倒扣俾你，不如我退返俾 Apple，我係裡面做架，可以原銀退回。」版主查過 Apple.com/hk  網站，的確有退款政策，大約是産品以未開封的原裝包裝盒形式，在購買日期後十四（14）個日曆天內將其連同原始收據和原始包裝物退回 Apple Store。Apple 是可以退回購買的款項給你。但版主亦見到網站有列明可能要倒扣包裝費、行政費的費用。老實一句，版主多次在 Apple Store 購物，但從未退過貨，情況如何，不如網友用 ePrice 會員或 Facebook 回應分享一下吧。