打印

曹查理笑談風月事--访问

kklai

魔神至尊

帖子: 27952
精华: 0
积分: 36082
激骚: 702 度
爱车: 奥迪
主机: PS
相机: 尼康
手机: iphone
注册时间: 2007-11-2

TGFC 2015新年勋章☆☆☆☆ TGFC 2017新年勋章☆☆☆☆ TGFC 2018新年勋章☆☆☆☆ TGFC 2020年度勋章☆☆☆☆

发短消息
加为好友
当前离线

1^# 大中小发表于 2012-12-23 17:09 只看该作者

現年62歲的曹查理，30年前憑一輯拔蘭地廣告入行。現實中是藝人張智霖的舅父，戲中是《警察故事》裏被成龍打爆眼鏡、《整蠱專家》中賣「淫賤不能移」的鹹濕店員。拍過超過80套三級電影，合作過的女演員不計其數，包括日本AV女優村上麗奈，羨慕度足以叫高登巴打賜酒，到今日曹查理提起當年風月事，一派悠然自得。
撰文：何永寧

當年一輯特醇軒尼詩酒廣告，除了有歌星葉麗儀獻唱外，最出位的要數廣告中梳一個大小便不分裝，不經意對葉麗儀單了一吓眼的曹查理，他飾演的大豪客那一吓曖昧眼神，為他贏來兩張電影合約，原來30年前那一吓單眼只是個美麗的誤會，曹查理日前笑說：「嗰時喺個大片廠度拍，又熱又冇冷氣啲汗係咁流，又唔敢用手抹，有滴汗滴咗落隻眼，咪眨一吓囉，我冇心，點知導演話好收貨。個廣告出埋街之後，跟住開始有人走嚟搵我拍戲。」

憑豪客形象入行
當時找曹查理拍戲的包括蕭芳芳，他表示：「芳芳姐搵我最好笑，佢唔知點解知我喺南華會打保齡，佢直情打去球場搵我，一聽電話佢話『我係蕭芳芳想搵你拍戲』，我話未拍過戲唔識㗎喎，佢話唔緊要，咁就接咗兩部片入咗娛樂圈。」
先前從事過珠寶及股票買賣，對電影一無所知的曹查理，第一日開工就鬧笑話，回想起來都覺好笑：「兩部戲同一日開工，一開工就撞期，最後要兩個製片自己度掂時間。」由於廣告中的大豪客形象深入民心，所以凡有為富不仁的有錢人，或者喜歡玩女明星的闊佬角色，都差不多指定找他來演出：「可能我個樣鹹濕，佢哋鍾意搵我啦，拍得最開心同好玩，都係王晶套《最佳損友》做臭口奇，原本個角色係想搵曾志偉，不過佢冇期搵咗我，晶哥出名拍得快，拍檔阿叻、馮淬帆又好玩。」

附件: 您所在的用户组无法下载或查看附件

TOP

kklai

魔神至尊

帖子: 27952
精华: 0
积分: 36082
激骚: 702 度
爱车: 奥迪
主机: PS
相机: 尼康
手机: iphone
注册时间: 2007-11-2

TGFC 2015新年勋章☆☆☆☆ TGFC 2017新年勋章☆☆☆☆ TGFC 2018新年勋章☆☆☆☆ TGFC 2020年度勋章☆☆☆☆

发短消息
加为好友
当前离线

2^# 大中小发表于 2012-12-23 17:11 只看该作者

被打觀眾拍手掌
不過曹查理最出色，讓觀眾拍爛手掌的，不得不提《警察故事》中被成龍打爆眼鏡那一幕，他說：「副眼鏡片係用糖衣做，好在大哥嗰拳好準，啱啱打碎又打唔到我，唔係個鼻實爆缸，大哥拍之前都話『冇辦法你要硬食』，前後拍咗兩個take好在冇失手，睇午夜場去到尾場嗰幕，啲觀眾見我俾大哥打真係拍爛手掌。大哥事後同我講『估唔到你做奸人都有拍掌位』，真係幾滿足。」而曹查理在《整蠱專家》中演樣衰店員，與周星馳在藥房賣淫賤不能移的場面，亦令人留下深刻印象。
之後曹查理輾轉拍了幾部風月片，接着就有三級片陸續找上門，實際拍過的數目，他自己也數不清楚，不過加起來應該超過80部：「可能我個樣真係好鹹濕，所以啲人鍾意搵我，嗰時都拍好多大明星，陳寶蓮、葉玉卿，日本、韓國AV都有合作過，好似同村上麗奈拍《卿本佳人》同《我為卿狂》，嗰時啲人真係好羨慕我。」

拍鹹片苦不堪言
曹查理視拍三級片為工作一部份，心態是早點賺夠錢退休，事實上拍這類戲並不如外間所想般享受，只是有苦自己知：「幾十人望住你拍，下面貼住晒牛皮膠紙，畀你都冇反應啦，有反應仲慘脹住，最慘係拍完撕嗰吓，貼咗一晚撕嗰時都唔知甩咗幾多毛。」三級明星形象不是太光鮮，所以當外甥張智霖入行時，曹查理刻意避而不談，他說：「我同佢講舅父拍三級片，你做歌星形象好緊要，你唔想同人講就唔好講，所以佢入行之後好耐啲人至知我哋嘅關係。」
曹查理前後拍了200多部電影原本想收山，不過一次股災令他打回原形：「2000年左右拍埋最後一部片賣晒啲物業，諗住將啲錢喺股票市場翻一番就退休，連去加拿大機票都買埋，點知蝕到一毫子都冇，加拿大都去唔成。冇嘅，又唔會餓死咪暱埋做蝸牛，始終爛船都有三斤釘，捱咗三年咪出番嚟見人囉。」